Letraheridas kultur kudeaketa feministako hainbat proiektu batzen dituen marka da. Nerea Madariagarekin batera kudeatzen ditut horiek guztiak. Horrela, 2019az geroztik, asmatu dugun programa bakoitzaren identitate grafikoa egiteko zortea dut.

Letraheridas Jaialdia da gure programazioaren ardatza. Urtero, urriko aste batean, topaketa batzuk antolatzen ditugu Iruñeko Katakrak liburu-dendan, non bi egilek euren lanen oihartzun, ispilu eta antzekotasun estetiko eta etikoetatik abiatuta eztabaidatzen duten. Eguneroko eztabaida hau moderatzeko Nafarroako kultur eremuko emakume batengana jo dugu.

Edizio bakoitzean, kontzeptu bat aukeratzen dut, eta kontzeptu horretatik abiatuta lantzen dut diseinua. 2024an, jaialdiaren seigarren edizioa ospatzean, mendiaren alde egin nuen, igoerarekin eta gailurraren lorpenarekin paralelismo bat ezarriz.